Kimmt da Hiart.......

Veröffentlicht am Montag, 18. November 2019

„Kimmt da Hirt mit seiner Giart;
hod des Johr mid Freid ausghiart;

27 bis 28 Wocha is a lange Zeit;
hana me scha sakrisch af Martini g’freid;


bine g’sprunga über Distln und Dorn;
hods me scha sakrisch ind Zehan gfroan ;


kime hoam, steht a griachal blaue Suppm am Disch;
sogtda wos von am bessan Essen;


haud da Bairin oane ei in’d Fressn;
sogt da wos vo am druckan Ko;
haut na da Bauer oane afe afs Loh;


Geh Bairin mogst ned schnai einespringa,
und a Zwiemakl usabringa,


geh, a Zwiemakl is na ned gnua,
duast na a Sackl Epfe dazua,


Drum haue heid mein Stock am Disch,
dasts wissts das heid Martini is!“

Ruf des Hirten zur Gruppe (Wolf):

Hirte: „Buama?“
Gruppe: „Jo!“
Hirte: „Seid’s oizam do?“
Gruppe: „Jo!“
Hirte: „Geht koana mehr oh?“
Gruppe: „Na!“
Hirte: „Riegelt’s engg!“

 

Joomla 1.6 Templates designed by Joomla Hosting Reviews